Има ли македонското министерство план за во случај на контакт со вонземјани?

АКЦИЈА
loading...

Инспирирани од темата на Дојче Веле дека Германија нема план во случај на контакт со вонземјани, Член 1 – Институт за глобални политики објави одговор од домашното Министерство за одбрана, за тоа дали Македонија има ваков протокол. Во дописот, добиен преку алатката за пристап до информации од јавен карактер, одговорот е негативен.

„Министерството за одбрана преку Генералштабот на Армијата на Република Македонија, во своите анализи не разгледувало варијанта за развој на протокол (план) во случај на контакт на екстратерестријални битија“, стои во одговорот на Министерството за одбрана.

Претходно, Дојче Веле објави истражувања кои покажуваат дека доколку се појават вонземјани, луѓето би биле среќни да ги запознаат. Според испитувањата, голем број Германци веруваат во живот надвор од Земјата, но, истовремено, Германија не поседува документ за постапување во случај на средби со екстратерестријални битија.

„Германската влада смета дека таков настан е ‘ектремно тешко да се случи според научните сознанија’“, соопшти германското Министерство за економија.

Медиумите веќе пишуваа дека за разлика од Германија, САД е поподготвен за вселената. Доналд Трамп најави „вселенски сили“ („space force“) во рамки на војската, додека САД веќе има „Space Aggressors Squadron“ – дел од воздухопловните сили.

Радио МОФ

loading...