За неколку години ќе се прашуваме зошто спорот за името не сме го решиле порано

АКЦИЈА
loading...

Министерот за надворешни работи Никола Димитров во интервју за Независната балканска новинска агенција изрази убеденост дека граѓаните ќе го поддржат Договорот од Преспа.

-Уверен сум дека дури и оние, од двете страни, што се противат на договорот, од историска перспектива, ќе прифатат дека ова е важен чекор напред, бидејќи носи многу придобивки. Ние сме соседи, не можеме да го смениме овој факт, историјата не може да се промени, но можеме да влијаеме на нашата иднина и да ја направиме подобра. Многу е лесно политичарите да живеат од овој спор, но неговото решавање создава подобар живот за граѓаните од двете страни – вели Димитров.

Во однос на реакциите во Грција за употребата на термините „Македонци“ и „македонски“, Димитров вели дека овие термини во двете земји имаат различно значење, истакнувајќи дека „правото на самоопределување е нешто што не може да се оспори во 21-от век во Европа“.

-И јас и мојот пријател Никос Коѕијас сме убедени дека она што го правиме е да инвестираме во нашето пријателство, бидејќи ние сме природни сојузници. Со соодветна политика, за неколку години, сите дилеми ќе исчезнат и сите ќе се прашуваме како не сме го сториле ова на почетокот на деведесеттите години и зошто ставивме една цела генерација да е подложена на овој спор. Наше е конкретно достигнување кое де факто создаде солидарност и убав мост на пријателство – изјави шефот на македонската дипломатија.

loading...