Митева: Членството во НАТО значи безбедна иднина за нашите деца

АКЦИЈА
loading...

Пратеничката на СДСМ и коалицијата Славица Шуманска-Митева, денеска во Виница одржа прес-конференција на која кажа дека доаѓа време за историка одлука за нашата иднина.

Таа воедно повика граѓаните заедно, масовно и достоинствено да излезат на престојниот референдум за македонската иднина.

„Македонско-грчкиот Договор е влог во сигурна и стабилна иднина. Со прифаќање на Договорот влегуваме во НАТО, почнуваме преговори со ЕУ, што е најважно, со заштитен македонски идентитет и македонски јазик”, нагласи Шуманска-Митева која подвлече дека членството во НАТО ја гарантира безбедноста и стабилноста на Македонија.

„Трајно ќе ги заштитиме границите и целата наша територија. Безбедноста и стабилноста што ја носи членството во НАТО ќе донесат и многу поголеми странски инвестиции во економијата. Поголеми инвестициии значат повеќе пари, нови фабрики, нови работни места, засилен раст на платите”, истакна пратеничката на СДСМ и коалицијата.

Таа кажа и дека во сите земји од регионот кои станале членки, како соседна Бугарија, Хрватска, или Романија, инвестициите значително пораснале, а невработеноста се намалила откако станале полноправни членки на НАТО.

„Во соседна Бугарија на пример, странските инвестиции по влезот во НАТО се зголемија за три пати, од 7 проценти пораснаа на речиси 20 проценти од БДП (споредба направена пет години пред и пет години по членството)”, кажа Шуманска-Митева и уште еднаш повика граѓаните својот глас да го дадат за подобра иднина.

loading...