„Љубојна“ ќе настапиме, а парите ќе ги донираме за болно детенце и во музичкото училиште „Илија Николовски – Луј”

АКЦИЈА
loading...

Членовите на групата „Љубојна“ на фејсбук страната на групата објавија дека настапот бил закажан многу порано пред да знаат за каков настан се работи и не е поврзан со личниот став на членовите на групата, но како што велат ќе настапат на 14 јули во свој манир, а парите ќе ги донираат.

-Настапот на Љубојна, кој што сите нé растревожи, во сабота на 14.07, е закажан многу порано пред да знаеме за каков настан се работи и не е поврзан со личниот став на членовите на групата. Љубојна ќе настапи во свој манир, со добро познатата автентична програма и ќе продолжи и понатаму да ја презентира нашата музичка култура во земјата и во светот, без никакви отстапки. Парите ќе бидат донирани за терапијата на едно болно детенце, како и на “Одделот за традиционална музика и игра” при ДМБУЦ “Илија Николовски – Луј”, за понатамошен развој и истражувачка дејност. За сета “лавина” од сите вас кои искрено ни се обративте, како и вие дежурни фб “душегрижници”, ви благодариме и продолжуваме посилно. Музичарите не се и не треба да бидат бедем за револт и распетие! Ова е нашиот официјален став и ве молиме да не пишувате измислени изјави, кои не сме ги дале. Порталот/ите што објави/ја изјава без истата да биде дадена, очекуваме да напише/ат демант. Не би сакале нашата понатамошна комуникација да продолжи преку тужба. Срдечно, Љубојна

loading...