На Шилегов му доставија ваучер за такси превоз од меаната „Кај Вицето“ до Собрание

АКЦИЈА
loading...

На потсмев наиде кампањата во која учествува Град Скопје, а со која се обезбедуваат ваучери за такси превоз на пијаните гости во дел од кафаните. Утринава пред портите на Град Скопје се најдоа големи ваучери наменети за градоначалникот, Петре Шилегов.

Според ваучерите, Шилегов има 100 денари кои може да ги искористи за превоз од меаната „Кај Вицето“, до градското собрание како крајна дестинација.

Фотографиите прво се најдоа на порталите блиски до ВМРО-ДПМНЕ.

Што се однесува до кампањата која претходно ја презентираше Шилегов, наспроти погрешното толкување на јавноста, кафаните а не Градот плаќаат за ваучерите кои ќе може да ги користат гостите во алкохолизирана состојба. Гостите ги добиваат ваучерите со нарачување на такси на онлајн апликација.

Во кампањата „Ги возиме одговорните“ учествуваат Град Скопје, Републичкиот совет за безбедност во сообраќајот, Авто-мото сојузот на Македонија и 30 ресторани во Скопје. Како што рекоа претходно, целта е да ги мотивираат возачите да не возат пијани.

loading...